Trending

Gippy Grewal Ki Movie Manje Bistre Ka Review

Reading Time: 3 minutes

Gippy Grewal Ki Movie Manje Bistre Ka Review, Manje Bistre movie ke lead roles main hai Gippy Grewal aur Sonam Bajwa aur supporting cast main hai BN Sharma, Gurpreet Ghuggi, Karamjit Anmol, Jaggi Singh, Rana Ranbir, Sardar Sohi, Sara Gurpal etc. Film ki starting hoti hai ek sapne se aur is sapne main Gippy Grewal ghode par baith kar aa rahe hai aur punjab ke bahut hi senior actor Gugu Gill ki nakal kar rahe hai.

Gippy Grewal Ki Movie Manje Bistre Ka Review

Is ke baad kahani aage badti hai Sukhi yani ke Gippy Grewal apni mummy ko lekar ek dukaan par jate hai jutiyan lene aur wahan par Sukhi ki nazar milti hai Rano se yani ki Sonam Bajwa se, Jaise hi Sukhi ki nazar Rano se takrati hai usi waqt se hi Sukhi ko Rano se pyar ho jata hai jaise ki aksar hindi filmo main dikhaya jata hai. Ab Rano ko Sukhi se pyar hota hai ya nahi iske liye aapko movie dekhni padegi kyunki movie kai aise ups & down ha jo movie main dekh kar hi aache lagte hai.

Gippy Grewal Ki Movie Manje Bistre Ka Review

Story & Screenplay

Film ki story Gippy Grewal ne likhi hai aur Screenplay bhi Gippy ne hi likha hai. Kahani ka concept naya hai magar jo culture is movie main dikhaya gaya hai wo bahut purana hai. Aap sab ko bhi ye dekh kar aacha lage ga ki hamare punjab ka culture itna rich hota tha jo aaj khatam hota ja raha hai. film main dikhaya gaya hai ki kaise gaon main shaadi ki tayari ki jati thi, Jaise gaon ke har ghar se Manje Bistre ekathe kiye jate the baratiyon ke liye, Halwai 3-4 din pehle hi aa jate the kyunki us samay sabhi mithaeyan ghar main hi banai jati thi.

Main Attraction of Manje Bistre

Manje Bistre movie ki khas baat hai Rana Ranbir, Gurpreet Ghuggi, BN Sharma, Karamjit Anmol. In Sabhi stars ki comedy itni aachi hai ki jitni tareef ki jae utni kam hai.Film ke kuch scenes main aapko inki harkaten dekh kar apne rishtedaron ki yaad aa jaye gi ki wo bhi aise hi baatain karte hai jab kahin shaadi par aate hai ya jate hai.

Gippy Grewal Ki Movie Manje Bistre Ka Review

Music

Manje Bistre movie ka music diya hai JayK (Jassi Katyal) aur Jaison Thind ne. Film ke sabhi songs aache hai aur situation ke according hai magar is movie ka super hit song hai Dubai Wale Shaikh.

Direction

Gippy Grewal ki is movie ko direct kiya hai Baljit Sing Deo ne. Baljit Singh Deo ki direction bahut hi aachi hai aur kuch scenes ko bahot hi khoobsurti se shoot kiya gaya hai kul milakar Gippy aur Sonam ka jadu chal gaya hai.

Final Views

Manje Bistre Full Entertainment movie hai, Family ke saath dekhne wali hai aur puri paisa vasool hai. Aap sab bhi aaj hi apni tickets book karwaye aur thoda sa family ke saath khul kar enjoy kar ke aaye. Singonline.in ki taraf se Manje Bistre ko 4 Star.

manje bistre movie rating 4

Tags

Related Articles

Close